(2) శ్రీ శ్యామ సుధా సాహిత్య సంకలనం (26 నుండి 50)

 శ్రీ శ్యామ సుధా సాహిత్య సంకలనం - 2

1వ భాగం పాటలు  (1 నుండి 25): https://srigurushyamcharanbaba.blogspot.com/2024/05/1-01-25.html 

2వ భాగం పాటలు (26 నుండి 50):  https://srigurushyamcharanbaba.blogspot.com/2024/05/2-25-50.html

3వ భాగం పాటలు (51 నుండి 75):  https://srigurushyamcharanbaba.blogspot.com/2024/05/3-51-75.html

4వ భాగం పాటలు (76 నుండి 100):  https://srigurushyamcharanbaba.blogspot.com/2024/05/4-76-100.html

5వ భాగం (101 నుండి 125):  https://srigurushyamcharanbaba.blogspot.com/2024/05/5-101-125.html

6వ భాగం (126 నుండి 150):  https://srigurushyamcharanbaba.blogspot.com/2024/05/6-126-150.html

7వ భాగం (151 నుండి 175):  https://srigurushyamcharanbaba.blogspot.com/2024/06/7-151-175.html

(అన్ని పాటలు:  https://srigurushyamcharanbaba.blogspot.com/2023/07/blog-post.html)

2వ భాగం

26) ఇది నీ లీల కరుణా లోలా

27) అహాహాహాహా....... నీవెంతటి

28) అపార కరుణాసాగరా

29) ఆగింరపుమా ! ఫలము లారగింపుమా !

30) ఇది ఏ కర్మ ఫలితమొ,

31) ఆవోసాయి

32) శాంతి నొసగుము

33) ఎంత కాలమిటుల

34) ఎందుకో వ్యామోహము

35) ఎన్నడు నీ దయ కలుగునో

36) ఎంత కాలమని వేచియుందురా

37) ఎంత చిత్రమైన వాడివయ్యా

38) ఎందుకు నాతో ఆటలాడెదవు

39) ఎందుకొచ్చితివి జీవా

40) ఉయ్యాలలూగవయ్య రామ

41) ఎంత మధురం

42) ఎంత చిత్రమైనదో నీ లీల

43) ఏ క్షణమున నీ కరుణ ప్రసరింప చేతువో

44) ఏల కానరావయ్య బృందావన విహారా

45) ఏ ప్రాంతమందున

46) ఏదిరా నిజమేదిరా?

47) ఏమి చేయగా నెంచితివో

48) ఏ రూపంబని నిను ధ్యానించను

49) ఎందులకీ యోచనలు

50) రామ పట్టాభి రామ

---------

25) ఆటలనాడుచు నుంటివి దేవ

ఆటలనాడుచు నుంటివి దేవ!

వేడుక జూచుచు మహానుభావా ॥ఆట॥

ఆటల నాడగ వేడుక జూడగ,

మేమెంతటివారము సాయిదేవా ॥ఆట॥

అహమున ముంచుచు నుంటివి దేవా

మోహము బెంచుచు నుంటివి దేవా

అహమున ముంచుచు మోహము బెంచుచు

ఐహిక చింతల నుంచుచు దేవా ॥ఆట॥

కామమ్ము ను కలిగించుచు దేవా

క్రోధమ్ము ను రెట్టించుచు దేవా

కామ క్రోధ కందకముల ద్రోయుచు,

కష్టములను కలిగించుచు దేవా ॥ఆట॥

మదమును లోలో పెంచుచు దేవా

మత్సరమును కలిగించుచు దేవా

మదమత్సరములలో బడ వైచుచు

మంచిని మరువగ జేయుచుదేవా ॥ఆట॥

స్వార్థంబును మదిబెంచుచు దేవా

లోభంబును కలిగించుచు దేవా

స్వా ర్థలోభముల మదిరగిలించుచు

మాయలలో బడద్రోయుచు దేవా ॥ఆట॥

సకలము నీదని నెంచుచు దేవా

సతతము నిన్నే దలచుచు దేవా

సకలము నీదని సతతము దలచుచు

నున్న శ్యామను గాచుచు దేవా ॥ఆట॥

26) ఇది నీ లీల కరుణా లోలా

ఇది నీ లీల కరుణా లోలా

శ్రితజనపాల షిరిడి వాలా ॥ఇది॥

లోకమున గల బాధల వేల

నాకము నరకము మాటల వేల

ఇహపర సుఖముల యోచన లేల

నీ పదములను నమ్మిన వేళ ॥ఇది॥

బరువు బాధ్యతల చింతన లేల

పాప పుణ్యముల పలుకుల వేల

తీర్థయాత్రులలో తిరుగుట దేల

నీ చరణములను నమ్మిన వేళ ॥ఇది||

గురువుల కొరకు వెదుకగనేల

ఉపదేశంబుల కోరుటదేల

నిష్ఠ సబూరుల వదలని వేళ

శ్యామసాయి దయ కలిగిన వేళ ॥ ఇది॥

27) నీవెంతటి దొంగాడవు

అహాహాహాహా.......

నీవెంతటి దొంగాడవు రా బంగారు సాయీ,

అడిగినదెల్లా నాకు వెను వెంటనే అందించి,

అదృశ్యముగా నిలిచి ఆడించు చున్నావు. ॥అహాహా॥

భక్తి నడుగ దలచినంత భుక్తి నడుగ జేసెదవు.

ముక్తిని కోరగ నెంచిన యుక్తిగ తప్పించెదవు

నీయందనురక్తి నెపుడు పెంచనీక ముంచెదవు

వంచిన, ముంచిన, త్రెంచిన, నిన్నొదలి పోదునా ॥అహాహా॥

నీ నామ స్మరణమె నా కిహపరముల భుక్తి

నీ రూప ధ్యానమే నా కెన్నటికైనా ముక్తి

నీలీలాగానములే పెంచును అనురక్తి

నీ చరణములే శరణము శ్యామచరణ వందితా ॥అహాహా॥

28) అపార కరుణాసాగరా

అపార కరుణాసాగరా - అనంత ప్రేమమందిరా,

సమర్ధ సద్గురు సచ్చిదానంద సాయినాధ మహరాజ ॥అపార॥

అభయప్రదాత, అనాధరక్షక, ఆశ్రిత పోషక, నమో నమో….

ఆపద్భాంధవ అనంత మహిమా లీలా వినోది నమో నమో…. ॥అపార॥

భవ భయనాశక భక్తి ముక్తి ప్రద భావాతీత నమో నమో….

బ్రహ్మ విష్ణు మహేశ్వర రూపా బంధనాశక నమో నమో…. ॥అపార॥

ఆది మధ్యాంతరహిత పరాత్పర అది దేవ గురు నమో నమో….

అనంత సృష్టి స్థితి లయకారక అత్రీనందన నమో నమో…. ॥అపార॥

సత్య ధర్మ శాంతి ప్రేమ ప్రదాతా సచ్చిదానంద నమో నమో….

సజ్జన సన్నుత ముని జన వందిత మోహన రూపా నమో నమో…. ॥అపార॥

కామ క్రోధ మద మత్సర లోభ మోహనాశక నమో నమో…..

కాల స్వరూపా కాలాతీతా కర్మవినాశక నమో నమో…. ॥అపార॥

సంశయనాశక, సద్గురు నాయక సద్గతిదాయక నమో నమో….

సకల చరాచర వాసా పరేశా శ్యామేశా ప్రభు నమో నమో… ॥అపార॥

29) ఆగింరపుమా

ఆగింరపుమా ! ఫలము లారగింపుమా !

పరమాత్మాసాయీశ్వర, పరమ కృపాసాగర || ఆరగింపుమా ||

సర్వము నీదే యైన నూ, నాది యనెడి అహము తోడ

నైవేద్యం బిడు చుంటిని నవ్వకుమా నాగసాయి ||ఆరగింపుమా ||

విశ్వమెల్ల నిండి యున్న నీ విటనే ఉన్నావని

అజ్ఞానముతో దలచుచు కుడము నారగింపవేడితి ||ఆరగింపుమా||

మాయాతీతుడవైనను మాయకు లోబడి నిన్నొక

మహాత్మునిగా భావించి నివేదనల చేయుచు నుంటి || ఆరగింపుమా||

రూపాతీతుడవైనను నిన్నొకరూపమున దలచి

అవివేకముతో నలుగుచు ఆహారములను దెచ్చితి || ఆరగింపుమా ||

మాయకు లోబడి యుంటినో, అమాయకునిగనుంటినో

ఎటు దలచిన నీవెగాదె నైవేద్యము గ్రహియింపుమా || ఆరగింపుమా ||

నైవేద్యము లారగించి నాసేవల ప్రేమగగోని,

అందించెడి చిలుము త్రాగి ఆనందించుము దేవా,

ఆదరించుమా మమ్మాదరించుమా

అనవరతము శ్యామదుల కనుగ్రహము నీయుమా || ఆరగింపుమా ||

30) ఇది ఏ కర్మ ఫలితమొ

ఇది ఏ కర్మ ఫలితమొ, ఏ గ్రహ ఫలితమొ

నీ ఆగ్రహ ఫలితమొ, అనుగ్రహ ఫలితమొ

దెలియని వాడను సాయి భగవాన్

భగవాన్, భగవాన్, భగవాన్, భగవాన్, సాయి భగవాన్ ||ఇది ||

మనసును స్థిరముగ నీ పద పంకజ

ధ్యానము నందున నిలువనీయవు

సతతము భగవన్నామ స్మరణమును,

జేయగ నీయక శోధించెదవు || ఇది ||

ఐహిక చింతనల కలిగింతువు

దుశ్చింతనలను మది రగిలింతువు

అది ఇది నెరుగని స్థితిలో నుంతువు

ఆట బొమ్మగా నన్నాడింతువు || ఇది ||

ఎన్నడు నీ స్థితికి చేరుదునో

జన్మ పరం పరలెపుడు దాటుదునో

ఎయ్యది నీ పద సన్నిధి నొసగునో

దెలియని గతి లో శ్యామ యుండగ || ఇది ||

31) ఆవోసాయి

ఆవోసాయి నారాయణ దరిశన దియో

తుమ్ హో జగతికే త్రాతా తుమ్ హో భాగ్య విధాతా ॥ ఆవో॥

త్వమేవ మాతా పితా త్వమేవ

త్వమేవ విశ్వవిధాతా…….. త్వమేవ సర్వవిధాతా ॥ ఆవో॥

త్వమేవ బ్రహ్మ త్వమేవ విష్ణు

త్వమేవ శంకర రూపా - త్వమేవ దత్త స్వరూపా ॥ ఆవో॥

త్వమేవ రామా… త్వమేవ కృష్ణా

త్వమేవ శిరిడి సాయి బాబా…. త్వమేవ సత్యసాయిబాబా ॥ ఆవో॥

32) శాంతి నొసగుము

శాంతి నొసగుము దేవదేవ

సాయి దేవా శరణము (2).

శరణము శరణము శరణము సాయి దేవా శరణము (2) ||శాంతి॥

తెలిసి తెలియక దోస ములను చేసినామని చింత చేయకు (2)

కన్న తండ్రివి నీవుగాక గాచు వారెవరయ్య మమ్ముల||శాంతి॥

మంచి చెడుగుల తెలియుమయ్య

మాయ మర్మము లెరుగు మయ్యా

మనసు నిండుగ నిన్ను నమ్మిన 

మమ్ము కరుణతో కావరావా ||శాంతి॥

జపతపంబుల చేయలేము

ధ్యానములనొనరించలేము

తోచినట్టుల సాయి

స్మరణము చేయుచుంటిని కరుణతో ||శాంతి॥

దీనజనులను బ్రోతు వీవే

బాధ్యతల భరియింతు వీవే

సద్గతుల నందింతు వీవే

శ్యామ చరణుని దైవ ||శాంతి॥

33) ఎంత కాలమిటుల

ఎంత కాలమిటుల వేరు చేతువో సాయీ

వేరు చేసి పేరుతోడ బ్రతుక చేతువో సాయీ ॥ఎంత॥

నేను నేను నేననుచు , బ్రతుకు నిలా లాగుచుంటి

నీవు ప్రేమ మయుడవంచు నిజ ముగ ప్రేమించకుంటి

కరుణామయుడవని బలుకుచు కలలో నిను దలచకుంటి

నిదుర మెలకువలలోన నన్ను నేనే దలచుచుంటి ॥ఎంత॥

నీ శక్తిని చూచి శరణు శరణనుచూ పలుకుచుంటి

భక్తి భావమే లేక భజనలనే జేయుచుంటి

నిజముగను నమ్మినటుల నిండుగ నటియించు చుంటి

భౌతిక వాసనల యందు బహు విధముల దగులు కొంటి ॥ఎంత॥

ఏ ఎండల కా గొడుగుల పట్టుకు బ్రతుకుచు నుంటిని

సత్య ధర్మ ప్రేమ శాంతి మార్గములో నడువ కుంటి

అపరిమితంబగు స్వార్థపు రూపము నేనుగ నుంటి

శ్యామ యనుచు పిలువ బడుచు ప్రేమను తెలియగ నుంటి॥ఎంత||

వీటన్నిటి దాట గలిగె మార్గములను తెలియకుంటి

మూర్ఖుడనై నీ కృపకు పడిగాపులు గాచుచుంటి

శరణాగత రక్షకా శ్యామ నాయకా సాయి

దూరమ్మును నుసి చేసి పేరును పరిమార్చి

నీలోనే కలుపుకో నీలోనే నిలుపుకో నీలోనే నిరతమ్ము కలుపుకో నిలుపుకో|| ఎంత ||

34) ఎందుకో వ్యామోహము

ఎందుకో వ్యామోహము నాకెందుకో ఈ మోహము

నిజము గాదని దెలిసియు భ్రమకు లోనై బ్రతుకు చున్నా ||ఎందుకో||

రుచులు రుచులుగ ఎంత తినిననూ ,

మరల మరలా తినగ నెంచును

ఏమి మనసో.... నా దేమి మనసో||ఎందుకో||

35) ఎన్నడు నీ దయ

ఎన్నడు నీ దయ కలుగునో

నేనెన్నడు నీ దరి జేరుదునో

భవ బంధమ్ముల వలలు తెంచుకొని

బ్రహ్మానందము నెపుడు పొందుదునో

సాయి రామ... రామ సాయి... సాయి రామ ||ఎన్నడు||

మంచి చెడుగులను మది నెరుగకనే

తోచిన దారుల సాగుచుంటిని

ధ్యాన సాధనల సంగతు లెరుగక ,

మందమతిగ భువి మసలు చుంటిని ||ఎన్నడు||

ఎన్ని జన్మల పాప ఫలితమొ

మది నిలువదు నీ చరణములపై

ఏ ఏ దుశ్చర్యల ప్రతిఫలమొ

చేయగ నైతిని నామ జపంబును ||ఎన్నడు||

ఇహమున దేనిని పొందనైతిని,

పరమే తీరుగ నుండునో తెలియదు,

ఎందుకు యీ విధి శోధించెదవో

శ్యామచరణుని బాధించెదవో ||ఎన్నడు||

36) ఎంత కాలమని

ఎంత కాలమని వేచియుందురా

ఏ క్షణమని నేనెదురుజూతురా

దయ జూపి నీ దరిశనమీయవు

మనసారగా నాతో మాటలాడవు ||ఎంత||

ఈ జన్మము నా కెటు లేర్పడెనో

ఏ ఏ కర్మము లెపుడు జేసితినో

ఏది ఎందులకు జరుగుచు నుండునో

తెలియక నీ భువి బ్రదుకు గడుపుచు ||ఎంత||

నిను నమ్మినచో నిర్భయ మగునని

నీ నామ స్మరణమే నిష్ట నొసగునని

సద్గురు సేవలే సబూరి యగునని

అపార కరుణతో బోధింతువనీ ||ఎంత||

అరిషడ్వర్గము లధికము లాయెను

సదాలోచనలు శూన్యము లాయెను

ఎదలో వేదన ల మితములాయెను

దరి చేరగా నీ వాదరింతువని ||ఎంత||

ఒకపరి నిను శరణాగతి వేడిన

వారల కరుణతో చేకొందువనీ

నమ్మితి నీ పదము లా శ్రయించితిని

నీ దరి జేరగా శ్యామ సన్నుతా ||ఎంత||

37) ఎంత చిత్రమైన వాడివయ్యా

ఎంత చిత్రమైన వాడివయ్యా సాయినాథ

నీవెంతో చిత్రమైన వాడివయ్యా ...సద్గురు నాథ ||ఎంత||

కంటికి కనిపించకనే కరుణతోడ గాచెదవు

నీ దరిశన మీయకనే నిదర్శనము చూపెదవు

వింత వింత అనుభూతుల విభూతుల నొసగెదవు

అది ఇది యని దెలియరాని ఆనందము నిలిపెదవు ||ఎంత||

ఎంతటి దూరమున నున్న నీ వారిని చేసుకొందువు

ప్రేమగా పాలించుచు పవిత్రులుగ జేయుదువు

దుష్కర్మల ఫలితములను దూరము గావించెదవు

అంతట నీవున్నావని అనుభూతుల నొసగెదవు ||ఎంత||

చీమ దోమ శునకాదులుగా దరిశన మొసగెదవు

అది తెలియని శ్యామాదుల నాటల నాడించెదవు

నాది నీదను భావము నాశన మొనరించెదవు

నేర్పుగ నీవారి కెల్ల సద్గతులందించెదవు ||ఎంత||

38) ఎందుకు నాతో ఆటలాడెదవు

ఎందుకు నాతో ఆటలాడెదవు ద్వారకమాయిశా

తగునా నన్నిటు నటు దిప్పగా షిరిడి సాయిశా ॥ఎందుకు॥

ఎందరెందరినో నా కడ కంపుచు నక్కియుందువయ్యా

అందరిలోనూ దర్శన ముసగుచు వెక్కిరింతువయ్యా ॥ఎందుకు॥

అనేక రూపంబులను ధరించి ఆదరింతువయ్యా

అన్నివేళలలో నా హృదయంబున దాగి యుందువయ్యా ॥ఎందుకు॥

క్రోధముతో నన్నాడగా చేయుచు నవ్వుచుందువయ్యా

ధైర్యమే లేకుండా జేసి దారి జూపవయా

కష్టమునందున మనసును ద్రోసి కానుపింపవయ్యా

సుఖముల నెన్నో కలుగజేయుచూ సంతసింతువయ్యా ॥ఎందుకు॥

శాంత గుణంబు

ల నా కందించుచూ సేదదీర్తువయ్యా

సైర్య ధైర్యముల మనసున నిలిపి సేమమిత్తువయ్యా

ప్రేమ భావమును పెంపొందించుచు పరిపాలింతువయ్యా

దైవభావమును నా మది నిలిపి దయ జూపింతువయ్యా ॥ఎందుకు॥

39) ఎందుకొచ్చితివి జీవా

ఎందుకొచ్చితివి జీవా

నీవెందుకొచ్చితివి జీవా

ఎందుకొచ్చితివి ఎచటకొచ్చితివి

ఏమి చేయగా ఇచట కొచ్చితివి (2) ॥ఎందుకొచ్చితివి ॥

ఎగిరి పడుటకు వచ్చితివా

మిడిసిపడుట కేతించితివా(2)

ఎగిరిన ఎగిరిన ఎంతగా ఎగిరిన

ఏమున్నదిలే కాళ్లు విరుగును (2) ॥ఎందు కొచ్చితివి॥

మిడిసిపడినను మిడిసి పడినను

ముందరికాళ్ళకు బంధము

చూడవేముందుకు పోయేది

మార్గము నెరుగవే ॥ఎందు కొచ్చితివి జీవా॥

ఏమి తెలిసేనే జీవా నీకేమీ తెలిసేనే జీవా

తెలిసి తెలియక తెలిసి తెలియక

ఏమేమో ఏమేమో వాగుచుంటివి

వాగుచు నుండుట వాగ్బంధం బని

తెలిసి తెలియక బోర్లపడదెవే ॥ఎందుకొచ్చితివి జీవా॥

నీదేమున్నది చూడక తెలియక(2)

నాది నాదని నాదీ నాదని

నగుబాట్లను పొందుచుందువు ॥ఎందుకు కొచ్చితివి॥

త్రికరణ శుద్ధిగా కోరినదేదీ (2)

మరణము దనుక వదలనందురే

మరణమే నీకు శరణం మటంచును

మరల పుట్టుచూ మరల గిట్టుచు (2) ॥ఎందుకొచ్చితివి జీవ॥

అందరి మధ్యన బ్రతుకుచున్నను

ఎందెరెందరితో కలుసుచున్నను

అందరిలోనూ ఎందరు వత్తురో

ఎవరికెవ్వరో ఎవరెవ్వారో

తెలిసి బ్రతుకవా జీవా

సత్యము నెరిగి బ్రతుకవా జీవా (2) ॥ఎందుకొచ్చితివి॥

గతంలోన నీవేమి గా నుంటివో

ఏమి కోరుకొని ఇటు చేరితివో

ఏమీ కోరకున ముందెటులవునో (2)

ఏ గతిగా నీవు బ్రతుకుచు నుందువో ॥ఎందుకు వచ్చితివి జీవ॥

వచ్చిన సమయము వ్యర్థము చేయక

వ్యధలను తీర్చెడి సద్గురుని చేరి

అజ్ఞానమునే ధ్వంసం చేసెడి

ప్రేమ మయుండగు సాయిని చేరి ॥ఎందుకు వచ్చితివే జీవ॥

బరువు బాధ్యతల తలచి కృంగుచూ

చేయవలసినది చేయగలేక

నిరుపయోగమగు ఊహలలోన తిరిగి తిరిగినా

తిక్కబట్టునే సత్యము నెరుగవే జీవ ॥ఎందుకొచ్చితివి జీవా॥

40) ఉయ్యాలలూగవయ్య ...

ఉయ్యాలలూగవయ్య ...

రామా రామా రామాభిరామ

సీతారామా శ్రీ సాయి రామా

సీతమ్మతో గూడి - ఉయ్యాలలూగుచు

ఆర్తులను గాచుచు అభయముల నొసగుచూ

విశ్వకళ్యాణమున కవతరించిన రామా

హాయిగా, ఠీవిగా ఉయ్యాలలూగుమా ||ఉయ్యాలలూగవయ్య ||

నీకు నీవే సాటి - లేరెవరు నీ పాటి

శరణన్న వారలను కావగల మేటి

కళ్యాణ ధామా కళ్యాణరామా

సీతమ్మతో గూడి - ఉయ్యాలలూగుమా ||ఉయ్యాలలూగవయ్య ||

లోకములు శ్రేయమై విశ్వామానందమై

సకల శుభములు కలుగ కన్నులకు పంటయై

శ్యామాదులను పరిశుభ్ర మార్గమున

నడిపించ కరుణతో ఉయ్యాలలూగుమా ||ఉయ్యాలలూగవయ్య ||

41) ఎంత మధురము

ఎంత మధురము, నీ నామమెంత మధురము

ఎంత మధుర మెంత మధురము

మధురాతి మధురము నీదు నామము

సాయి రామ తండ్రీ సాయి రామ దేవా

సాయి, సాయి ,సాయి, సాయి, సాయి, సాయి యనిన

ఎంతకాల మెంతకాల మెంతకాల మనిన గాని

రామ, రామ,రామ ,రామ ,రామ, రామ, యనిన

ఎంతకాల మెంతకాల మెంతకాల మనిన గాని

సాయిరాం, సాయిరాం ,సాయిరాం అనిన గాని

సాయి తండ్రి ,సాయి తండ్రి ,సాయి తండ్రి అనిన గాని

సాయి దేవ ,సాయి దేవ, సాయి దేవ యనిన గాని

సాయి బాబ, సాయి బాబ, సాయిబాబ యనిన గాని

సాయి దత్త, సాయి దత్త , సాయి దత్త యనిన గాని

సాయి హనుమ,సాయి హనుమ, సాయి హనుమ అనిన గాని

మౌలా సాయి, జీసస్ సాయి, మౌలా సాయి యనిన గాని

ఏమనిన, ఏమనిన ,ఏదనిన, ఎటులనిన, ఎపుడయున

సాయి, సాయి, సాయి యని జోడించు కొనిన

ప్రేమలొలుకు నీ చూపులు చూసిన చాలును తండ్రీ

కరుణ చాలు నాకు, నీదు చూపు చూచిననూ చాలు

నన్ను నేను మరిచిపోదు, నీ నామము స్మరియుంచుచు, స్మరియుంచుచు

నీ రూపము ధ్యానించుచు, ధ్యానించుచు, ధ్యానించుచు

నీ రూపము నే చూచుచు, నే చూచుచు, నే చూచుచు

సాయి అని పలికినను సాయి అని పిలచిననూ

సాయి అని స్మరించిననూ, ఏదో తెలియని హాయి

మది నిండుగ నిండు సాయి ఇదేమి చిత్రమో, ఎంత విచిత్రమో

ఎంత మధురమో, నీ రూప మెంత మధురమో॥ ఎంత॥

42) ఎంత చిత్రమైనదో నీ లీల

ఎంత చిత్రమైనదో నీ లీల

మరెంత చిత్రమైనదో మా గోల ॥ఎంత॥

నీదు లీల నెరుగకయే మా గోలల వినిపింతుము

విసుగు గొనక వినుచుంటివా కరుణాలోలా॥ ఎంత॥

ఆనందము నందు గానక అందరినీ రమ్మనుచు

ఆదర మోవ్వగ ప్రేమతో బిలుచుచు, నుండగ

ఆనందమున కర్దము తెలియలేని మా బ్రతుకుల

ఆకారమే అహమును పెంచును అల్పుని జేయునే మనసా

వినయ వివేకములు, లేని ఎడల అది విషముగా మారునే మనసా

అనుకున్నది నిజమని బ్రభమియక, నిజము తెలియవే మనసా

నిను నీ వెరిగిన శ్యామనాథుని నిక్కము తెలియవే మనసా॥ఎంత॥

43) ఏ క్షణమున నీ కరుణ

ఏ క్షణమున నీ కరుణ ప్రసరింప చేతువో

ఏ క్షణములో నన్ను ప్రేమ గాచెదవో॥ఏ॥

సాయి....రామా.... సాయి.... రామా ॥ఏ॥

అయిన వారెవరయ్యా, కాని వారెవరయ్యా

ఉన్నదేదోనయ్యా ణలేనిదేదోనయ్య

ఏ తీరుగా నేను జీవించవలయునో

ఏమాత్ర మెరుగక నిన్ను నమ్మితినయ్యా ॥ఏ॥

క్రుళు కుత్సితముల నెరుగగా లేదయ్యా

వంచనల మోసముల దెలియగా లేనయ్యా

ఇచ్చికము లాడేడి మనసు లేదు గదయ్యా

లోకంబులో నేను బ్రతుకు విధమేదయ్యా ॥ఏ॥

పరుల సంపదలకు ఆశపడలేదయ్యా

మెప్పుదనముల గోరి మిడిసిపడ లేదయ్యా

కలిగినంతటిలోనే కాపుర మెనరింప

నీ ఆశ్రితుల కేల కలత లిచ్చితివయ్యా ॥ఏ॥

దీన జన బాంధవా దిగులు తొలగించుమా

ఆశ్రిత పోషకా నన్నాదు కొమ్మా

ద్వారకామాయశా దరి జేర్చరమ్మా

శామచరణానాధులకు సంతసమ్ములిమ్మా ॥ఏ॥

44) ఏల కానరావయ్య

ఏల కానరావయ్య బృందావన విహారా

ఎందు దాగినావయ్యా రాధా మానస చోరా॥ ఏల॥

పున్నమి వెన్నెల రాత్రులు కన్నుల పండువు జేయగ

నానా విధ సువ్ర బాలలు సుగంధముల విరజిమ్మగ

సుందర యమునా తీరము నీ రాకకు తపించగ

చల్ల చల్లని పిల్లగాలి నీ కొరకటు నిటు దిరుగగ ॥ఏల॥

చిరుమువ్వల సవ్వడులు ఘల్లు ఘల్లుమనగ

మురళీనాదము మోహనరాగ మాలపించగా

సమ్మోహమున జగమే సంతసమును బొందగా

నీ పద భక్తులు నీకై పరిపరి విధముల వేడగా ॥ఏల॥

45) ఏ ప్రాంతమందున

ఏ ప్రాంతమందున జనన మెందితివో

కులమేమో మతమేమో నీదు పేరేమో ?

తెలియగా లేరయ్యా! రూప గుణ రహిత

రామ శివ మారుతి దత్త గురు సాయీ ॥ఏ ప్రాంత॥

పత్రీ గ్రామము నందు జనన మెందితివంట

జమునాబాయ్ నందలాల్ తనయుడ నీవంట

బాల్యము నందె యెక ముస్లిం ఫకీరు కడ

ప్రేమ వాత్సల్యముల పొంది పెరిగితివంట ॥ఏ ప్రాంత॥

నీదు సంకల్పమున వేంకుసా గురుచేరి

శుశ్రూషులను చేసి కర్తవ్య మెరిగి

గురుని ఆజ్ఞల బొంది గోదావరిని చేరి

ఆ చెంతనే నున్న షిరిడీ చేరితివంట ॥ఏ ప్రాంతమందున॥

బాధితులందరినీ బాగుపరచితి వంట

సద్భక్తులకు ముక్తి పదము నిచ్చితివంట

నమ్మి నిన్నే గొలుచు శ్యామ చరణునిగాచి

రక్షించి బ్రోచుచూ నిలిచి యున్నా వంట ॥ఏ ప్రాంతమందున॥

46) ఏదిరా నిజమేదిరా?

ఏదిరా నిజమేదిరా? చివరకు నిలిచేదేది రా ?

అనుమానములను అంతము చేసి అనంతమై మిగిలేదేదిరా॥ ఏదిరా॥

జీవుడు, దేవుడు,ఒక్కటే యనుచు అద్వైతము బోధించును రా

జీవుడు దేవుడు వేరు వేరనుచు ద్వైతము ఉద్భోదించును రా ॥ఏదిరా॥

ఉన్నది లేదని దేవుడు కలడని అతడే మూలంబని యందురురా

ఉన్నది కలదని దేవుడు లేడని మనోరోగ మది యని అందురు రా ॥ఏదిరా॥

వాక్కుకు మనసుకు అందని స్థితి యని

అదియే దైవంబని యందరు రా

ఊహాజీవుల సోమరి పోతుల

పిచ్చి భావమది యని అందురురా ॥ఏదిరా॥

మంచి చెడుగులను బేధ భావములు

లేని కాలమే లేదందురా

తర్కవాదములతో సత్యమును తెలియుట

సాధ్యము కాదందురురా ॥ఏదిరా॥

విశ్వమే తానై తానే దైవమై

నిలచిన జ్ఞానిని చదువమందుదురు రా

అటు చదవకనే అహమని బలికిన

అవివేకం బది యని యందరురా ॥ఏదిరా॥

శ్యామనాథుడగు సాయినాధుడే

అట్టి దైవంబని యందురు రా

సాయిని ప్రేమతో సమాశ్రయించిన

సత్యము అనుభవమగు నందురు రా

అదియేరా నిజమదియేరా

చివరకు నిలుచునది యేరా

అనుమానములను అంతము చేసి

అనంతమై నిలచెడి దది యేరా ॥ఏదిరా॥

47) ఏమి చేయగా నెంచితివో

ఏమి చేయగా నెంచితివో

నన్ను ఏమి చేయగా నూహించితివో

ఎరుగలేనయ్యా సాయి దేవా

పరమ పురుష ప్రేమ స్వభావా ॥ఏమి॥

బహు దుర్లభమగు మానవ జన్మను

నా కొసంగీతివి వాత్సల్యముతో

సార్ధకత లేని వ్యామోహంలలో

ఎందుకు తోసితివయ్యా దేవా ॥ఏమి॥

చిక్కుల నెన్నో కల్పించెదవు

ధైర్యమెసంగక దండించెదవు

ఏమి చేసితినో నీ కపకారము

కృప చూపక నన్నేడిపించుటకు ॥ఏమి॥

అధిక సంపదల నాశించలేదు

అధికారంముల కోరగలేదు

నిష్ట సబూరుల నా కొసగుమని

నిను ప్రార్థించుట నేరమాయెనా ॥ఏమి॥

48) ఏ రూపంబని నిను

ఏ రూపంబని నిను ధ్యానించను,

ఏ నామంబని మది స్మరియుంచను,

ఏ నామంబని హృది జపియుంచను ,

తెలియని దీనుడ శ్యామచరణుడును,

దయ నీవారల గావ వేడెదను ॥ఏ రూప॥

క్రిమి కీటక పశు పక్ష్యాదులలో

నర వానర దేవాది గణములతో

విశ్వమెల్లడల నీవున్నావని

నిదర్శనముల నొసగితి వనగా

నీ భక్తులకు జూపితి వనఘా ॥ఏ రూప॥

ఆది మధ్యంతరహితుడ నీవనీ

సృష్టి స్థితి లయ గతులు నీవనీ

అనంత నామములన్నీ నీవనీ

నిదర్శనములనొసగితివనగా

నీ భక్తులకు తెలిపితి వనఘా ॥ఏ రూప॥

49) ఎందులకీ యోచనలు

ఎందులకీ యోచనలు మనకెందులకీ సమాలోచనలు

యోచనల చేసి తీర్పుల చేసి సాధించునదా సాయి మార్గము ॥ఎందు॥

సాయి సాయి అని పలుకుట తోడనే సమయము లెల్ల గడిచిపోయినె

సాయియె సకల విశ్వమయుండని సత్యము నేరిగే సమయమ దెప్పుడు ॥ఎందు॥

వాదన చేత వ్రాతల చేత వ శమవునా శ్రీ సాయి మార్గము

భజనల చేత ప్రార్థనల చేత అనుభవమగునా సాయి మార్గము ॥ఎందు॥

అంతరంగమును శుద్ధి చేసుకుని, త్రికరణ శుద్ధిగా పలుక నేర్వని

మనసుల తోడ మరి మరి వెదికిన మనకు దొరకునా సాయి మార్గము ॥ఎందు॥

తన మనసునే తాను నమ్మలేని తత్తర పడెడి మందభాగ్యులకు

చీటికిమాటికి చిరుబురులాడుచు ఓర్పుగ నుండని మతిహీనులకు

ఎటు కలుగునో కదా శ్రీ సాయి కృప

ఎటు నడుతురో గదా సాయి మార్గము ॥ఎందు॥

50)రామా పట్టాభి రామా

రామా పట్టాభి రామా రామా కోదండ రామా

రామా కళ్యాణ రామా రాఘవా

రామా సీతాపతి రామా నీవే గతి

రామా నీకు మ్రొక్కితి రామా నీచే చిక్కితి

రామా నాకెవరు తోడు రామా క్రీగంట జూడు

రామా నేను నీ వాడ రామా నాతో మాట్లాడు

రామా నీ నామమె మేలు రామా చించతనే చాలు

రామా నీ నామమె మేలు రామా నీ చింతనె చాలు