(4) శ్రీ శ్యామ సుధా సాహిత్య సంకలనం (76 నుండి 100)

 శ్రీ శ్యామ సుధా సాహిత్య సంకలనం - 4

1వ భాగం (1 నుండి 25): https://srigurushyamcharanbaba.blogspot.com/2024/05/1-01-25.html 

2వ భాగం(26 నుండి 50):  https://srigurushyamcharanbaba.blogspot.com/2024/05/2-25-50.html

3వ భాగం (51 నుండి 75):  https://srigurushyamcharanbaba.blogspot.com/2024/05/3-51-75.html

4వ భాగం (76 నుండి 100):  https://srigurushyamcharanbaba.blogspot.com/2024/05/4-76-100.html

5వ భాగం (101 నుండి 125):  https://srigurushyamcharanbaba.blogspot.com/2024/05/5-101-125.html

6వ భాగం (126 నుండి 150):  https://srigurushyamcharanbaba.blogspot.com/2024/05/6-126-150.html

7వ భాగం (151 నుండి 175):  https://srigurushyamcharanbaba.blogspot.com/2024/06/7-151-175.html

(అన్ని పాటలు:  https://srigurushyamcharanbaba.blogspot.com/2023/07/blog-post.html )

4వ భాగం:

76) ఆనందమే సాయి నామము 

ఆనందమే సాయి నామము- 

పరమానందమే సాయి నామము

ఆనందమే సాయి నామము-

మధురానందమే సాయి నామము

ఆనందమే సాయి రూపము-

 పరమానందమే సాయి రూపము

ఆనందమే సాయి రూపము- 

మధురానందమే సాయి రూపము

ఆనందమే సాయి నామము- 

పరమానందమే సాయి రూపము

ఆనందమే సాయి గానము- 

నిత్యానందమే సాయి గానము

ఆనందమే సాయి ధ్యానము- 

మధురానందమే సాయి ధ్యానము

ఆనందమే సాయి స్మరణము- 

బ్రహ్మానందమే సాయి స్మరణము

ఆనందమే సాయి మననము- 

దివ్యనందమే సాయి మననము

ఆనందమే సాయి దైవము - 

సచ్చిదానందమే సాయి దైవము

ఆనందమే సాయి వైభవం -

 మహదానందమే సాయి వైభవం

ఆనందమే సాయి జ్ఞానము - 

పరమానందమే సాయి జ్ఞానము

ఆనందమే సాయి ధామము - 

మధురానందమే సాయి ధామము

ఆనందమే సాయి యోగము - 

పరమానందమే సాయి యోగము

ఆనందమే సాయి భోగము - 

మహాదానందమే సాయి భోగము

ఆనందమే సాయి భావన -

పరమానందమే సాయి దీవెన

ఆనందమే సాయి దీవెన - 

మహాదానందమే సాయి భావన

ఆనందమే సాయి నామము - 

శ్యామకానందమే సాయి రూపము

ఆనందమే సాయి రూపము -

శ్యామకానందమే సాయి నామము

77) ఇది ఏమీ ఆటరా తండ్రీ !

ఇది ఏమీ ఆటరా తండ్రీ ! ఇది ఏమి వేడుక దేవా!

ఇటు నటు నూపుచు అటు నిటు జేర్చక ఆడించుచున్నావు సాయి.. ॥ ఇది॥

భక్తి తోడ నిను తలచ దలంచిన భవ భంధములు బంధము లాయెను

నీదు లీలలను గానము జేయగ నెంచిన నా మది నిలువకపోయెను

లోకవాసనల వ్యామోహములతో మంచి చెడుగల విచక్షణ లేక

గ్రుడ్డివానిగా బ్రతుకుచు నుంటిని పిచ్చివానిగా వాగుచు నుంటిని ॥ఇది ॥

పరబ్రహ్మమే నీవనడి నిజము పరిపూర్ణముగా తెలియక నైతిని

 బాధ్యతలను భరియంచెడి నిన్ను భక్తిగా నెపుడు గొలవ నైతిని

 సర్వము నీదని అనుకొనుచు నాది యనుచునే భ్రమ పడుచుంటిని

 జ్ఞానము నొసగక శ్యామను ఈ భువి అవివేకముతో బ్రతుకగ జేయగా ॥ఇది॥

78) ఏదని దలతును నీ రూపమును

ఏదని దలతును నీ రూపమును

ఏమని బిలతును నీ నామమును

లీలా నాటక సూత్రధారి

హే! మాయా మానుష వేషధారి ..॥ఏమని ॥

ఇది యది యనక అన్ని రూపములలో

నున్నది నీవే యని దెలుపుచు

సర్వనామముల కధిపతి నీవై

సమతా మమతలను నిలిపిన దేవా ॥ ఏమని॥

రామ, కృష్ణ ,శివ, దత్త ,మారుతి,

రహీము, అల్లా, యెహోవా, క్రీస్తు,

నానకు, నారాయణి శక్తులుగా

దర్శన మెసగిడి శ్యామ సన్నుతా ॥ఏమని॥

79) ఏమి కర్మముల చేసితినో నేనేమీ పాపముల నొనరించితినో

ఏమి కర్మముల చేసితినో

నేనేమీ పాపముల నొనరించితినో

ఈ భూమిలో పలు బాధల వలలో

జిక్కి దిక్కుతోచక ఉన్నాడను ॥ఏమి॥

నిను నమ్మితిని, ఓర్పుగ

నుంటిని నీవేదో మేలొన గూర్తువని

ఎన్నడు నీ దయ ప్రసరించునోయని

ఎదురు తెన్నులు జూచుచు నుంటిని ॥ఏమి కర్మముల॥

నీ దయ రాక దారి తెలియక

నిట్టూర్పులతో బ్రతుకుచు నుంటిని

అంతము లేదా ఈ ఓర్పునకు,

అభయము నీయవా ఈ ఆర్తునకు ॥ ఏమి కర్మముల॥

ఎటు నిను వేడిన కరుణించెదవో

ఎటు ప్రార్ధించిన మొరలాలిన్తువో

ఎరుగని వాడను సాయి దేవా,

ఎటు నను బ్రోతువో దేవా దేవా ॥ ఏమి కర్మముల॥

తండ్రివి నీవే దయమాలిన

ఇక దీనజనులకు దిక్కెవరయ్యా

మా మొరలను విని వేదనలను

గని సరగును బ్రోవుము శామసన్నుత॥ ఏమి కర్మముల॥

80) ఏల కానరావయ్య బృందావన విహారా

ఏల కానరావయ్య

బృందావన విహారా

ఎందుకు దాగినావయ్యా

రాధా మానస చోరా ॥ఏల॥

పున్నమి వెన్నెల రాత్రులు, కన్నుల పండువు జేయగ

నానా విధ సుమ బాలలు సుగంధముల విరజిమ్మగ

సుందర యమునా తీరము నీ రాకకు తపించగ

చల్ల చల్లని పిల్లగాలి నీ కొరకటు నిటు దిరుగగ ॥ఏల॥

చిరుమువ్వల సవ్వడులు ఘల్లు ఘల్లు ఘల్లుమనగ

మురళీనాదము మోహనరాగ మాలపించగా

సమ్మోహనమున జగమే సంతసమును బొందగా

నీ పద భక్తులు నీకై పరిపరి విధముల వేడగ ॥ ఏల॥

81) ఒక పరి నిన్ను మనసారగ నమ్మిన

ఒక పరి నిన్ను మనసారగ నమ్మిన -

వారల ప్రేమగ కరుణించెదవూ !

ఒకపరి నిన్ను శరణాగతి వేడిన -

వారల బరువుల భరించెదవూ !

నీ ప్రేమ అనంతమూ - దయ అపారము

కరుణ అనూహ్యము సాయి రామా -

శరణం సాయిరామా శరణం సాయిరామా ॥ఒకపరి॥

పాపాత్ముల పరిరక్షణ చేయగ

మానవ రూపము ధరియుంచితివి

పరిశుద్ధాత్ముల పరమును జేర్చగ

పరమాత్ముడవై ధర వెలసితివి

సకల జీవులను సంరక్షించగ

సాయినాధునిగా భువి నిలచితివి ॥నీ ప్రేమ॥

కులమత రహితము జాతి కతీతము

సంతస భరితము సర్వోన్నతము.

సర్వ సమ్మతము సూన్రుత సహితము

సుందర చరితము మంగళకరము

సద్గతి భరితము సజ్జన హితము

సోహం నాదము దైవ విధానము ॥నీ ప్రేమ॥

82) కనుల నీరు తుడవగా కదలి రావ దేలరా

కనుల నీరు తుడవగా కదలి రావ దేలరా

కలతలను బాపి నాకు కానుపింప వేమిరా

ప్రభో ! సాయి దేవరా పలుక కున్నా వేమిరా

శరణంటిని దేవరా సతతము నను గావరా ॥కనుల॥

పూర్వజన్మ కర్మ ఫలము, నీ లీలా సంకల్పము,

మహాత్ముల శాప ఫలము , దుచ్చరియల ప్రతిఫలము,

సమస్యలకు పరిష్కార వమింత దనుక కలుగ లేదు

సతమతమౌ హృదయంబున శాంతి అయిన నిలువలేదు ॥ కనుల ॥

వివాహముల జేయనెంచి వినయంబుగా నిను వేడగ

నిమ్మకు నీరెత్తినటుల నిచ్చలముగా కూర్చుంటివి

ఇలు వెడలిన తమ సుతుని వెదకుచున్న నీ వారికి

సంతసముల నీయకుండ వూరకే జూచూచు నుంటివి ॥ కనుల॥

వివాహముల జేయించుము ప్రేమ సాయి దేవరా

ఇలు వెడలిన సుతుని దిరిగి గృహమునకు జేర్చరా

నీ శక్తిని, నీ మహిమను, నీ కరుణను, నీ ప్రేమను ,

నిను నమ్మిన భక్తుల కిల నిదర్శనగ జూపరా॥ కనుల॥

83) భక్తి నీయవమ్మా భవతారిణి

భక్తి నీయవమ్మా భవతారిణి శక్తినీయవమ్మా సౌమ్య రూపిణి ॥ భక్తి॥ రూప నామ గుణ తత్వ చింతనలతో నీదు సేవలను చేయనీయవే॥ భక్తి ॥ కరుణ రూపమైన కామాక్షి నాదు కనులు తెరవజేసి కానుపింపవే ॥ భక్తి ॥ ఆదిశక్తి నీవే అఖిలమ్ము నీవే అమ్మ యనెడి వారలాదరింపవే సర్వవ్యాపీ వైన సర్వేశ్వరి శామాదులను కరుణ బ్రోవ రావే ॥భక్తి ॥

84) సుందరానన సుందరానన 

సుందరానన సుందరానన

సుందరానన శివ సుందరానన

భస్మోధూలిత సుందరాననా

భవభయ హరణ సుందరానన

భద్ర సేవిత సుందరానన

వీరభద్ర సేవిత సుందరానన ॥ సుందరానన॥

అరుణాచల శివ సుందరానన

అర్థనారీశ్వర సుందరానన 

అంబికా వల్లభా సుందరానన

ఆదరమున కావరా సుందరాననా ॥ సుందరానన॥

 రుద్ర కోటేశ్వర సుందరానన

రుద్రాణి సమేత సుందరానన

రుద్రాక్ష ధారణ సుందరానన

రూప నామ రహిత సుందరానన ॥ సుందరానన॥

కాశీ విశ్వనాథ సుందరానన

విశాలాక్షి సమేత సుందరానన

కలి నాశక సుందరానన 

శ్యామ  పూజిత సుందరాననా ॥సుందరానన॥

షిరిడీ నివాస సుందరానన 

ద్వారకా నిలయ సుందరానన

సద్గురు నాథ సుందరానన

శరణంటినయ్య సుందరానన ॥ సుందరానన॥

85) కరుణ జూపుమా - సాయి కనికరించుమా

కరుణ జూపుమా - సాయి కనికరించుమా 

పటములోని రూపముతో మమ్ము పలకరింపుమా 

పటంలోని రూపముతో మాకు కానుపింపుమా ॥కరుణ॥

మానవుల మైనందున మాయల బడి ఉన్నందున

పరోక్షముగ కనిపించెడి నిన్ను తెలియలేమైతిమి

పటములోని రూపముతో దర్శనమిడి బలుకరించ

ఆత్మానందముల నొంది కృతార్థులము మేమగుదుము ॥కరుణ॥

నీ దర్శనమెనరించిన నిర్మూలనమౌ కర్మలు

నీ పలుకుల వినినంతనే నిచ్చలమౌ మాది మనసు

నీ ఆశీస్సుల బడసిన నీ దరి వీడగలేము

నీ దయతో తరియుంతుము నిజము శామసన్నుతా ॥కరుణ॥ 

దేవతలలో నిన్ను చూచి అర్చించగ లేమయితిమి

మహాత్ములలో నిన్ను జూచి సేవింపగా లేమైతిమి

జీవులలో నిన్ను చూచి ప్రేమించగ లేమైతిని 

విశ్వములో నిన్ను చూచి ధ్యానించగ లేమైతినే ॥కరుణ॥

86) కలుగదా నామీద జాలి

కలుగదా నామీద జాలి సాయి కరుగదా 

నీ మనసు నా ప్రార్థనలను విని ॥కలుగదా॥

తనువశాశ్వతము ఆశయే దుఃఖము 

రుణాను బంధమే ఈ బంధములని

జూచుచు నుండి మనసు నిలపక లేక

సుడి గుండములో జిక్కినవాడను॥ కలుగదా॥

తనువు మనసులకు బలమే లేదు

మమకారంబుల కంతమే లేదు

సద్గతి నందెడి మార్గము తెలియక

అజ్ఞానంతో బ్రదుకుచు నుండగా ॥ కలుగదా॥

సద్గతిని గోరిన సుఖములు తొలగును 

సుఖముల గోరిన సగ్గతి కలుగదు

రెంటిని గోరుచు నుంటిని ఈ భువి

కంటికి రెప్పగ కాపాడెదవని ॥ కలుగదా॥

87) కనికరింపుమా దేవ కారుణ్య నాథా

కనికరింపుమా దేవ కారుణ్య నాథా

కలత బాపుమా వేగ శ్రీ సాయినాథా ॥కనికరింపుమా॥

తల్లి తండ్రి గురు దైవము లీవేనని దలచితిరా 

సుఖ దుఃఖము లందు నిన్ను మరువక పూజించితిరా

కంటికి రెప్పగా కాపాడు దైవమా

కనుల నీరు తుడవగా కదలిరావదేలరా ॥కనికరింపుమా॥

ఈ మాయా మోహము లో తగులు కొనిన వాడరా

మమ కారములన్నీ దాటి వెలికి రాని వాడరా

ఏ తీరుగ బ్రోతువో ఏ తీరుగ గాతువో 

నీ పదములే శరణంబని నమ్మియున్న వాడరా ॥కనికరింపుమా॥

88) కొలువై యున్నాడే 

కొలువై యున్నాడే 

మన సాయి రాముడు

కొలువు దీరిచి యున్నాడే 

ఘనముగా మన శ్యామ సన్నతుడు ॥కొలువై॥

మాతాపిత గురుదైవము తానై

మందహాసముతో ముచ్చట గొలుపగ

భక్తులారా రండు రండనుచు ఇక

భయము మీకేల వలదు వలదనుచు ॥కొలువై॥

మీ భారంబుల నాపై వదలడు

సర్వము నేనే మోయు చుందునని

నిష్ట  సబూరుల గలిగి యుండుడని

అవియే సకల శ్రేయముల గూర్చునని ॥కొలువై॥

89) కన్న తండ్రీ కావగా

కన్న తండ్రీ కావగా 

కరుణ మానితి వేలరా

కనులు గానక  కళ్ళలాడుచు 

కష్టములలో నుంటిరా॥కన్నతండ్రీ॥

విశ్వమందున అణువు 

నేనను సత్యమును గుర్తించనైతిని

విర్ర వీగుచు నేను నేనని 

నాది నాదని తలచు చుంటిని ॥కన్నతండ్రి॥

నిన్ను జేరగ దలచి నంతట నన్ను లాగును 

మోహము నిన్ను తలవగ నెంచి నంతట 

మనసు చేయును మోసము దారి తెలియక 

నిన్ను జేరిన శ్యామ కీవే శరణము ॥కన్నతండ్రి॥

90) చాలు చాలు సాయి దేవా

చాలు చాలు సాయి దేవా నీ ఆట

సాగ నీయమా మమ్ముల నీ బాట ॥ చాలు॥ 

పలుక నీయుమా సతతము నీ మాట

పాడగ చేయుము ఆనందముగా నీ పాట ॥చాలు॥

నిలువ నీయమా నీ నామము మా నోట

నొసగి బ్రోవుమా మా కిల భక్తి మూట ॥చాలు ॥

కట్టి వేయుమా మా మనసుల నీ గాట

తుడిచి వేయుమా దుష్కర్మల నీ గోట ॥చాలు॥

91) సద్గురు బ్రహ్మ సనాతన హే 

సద్గురు బ్రహ్మ సనాతన హే 

పరమ దయాకర పావన హే

జన్మజ దుఃఖ వినాశనహే

జగదో ధారణ కారణహే

 సాయి కృష్ణ జనార్ధన హే

 జనార్ధన హే - జనార్ధన హే - జనార్ధన హే -

శిరిడీ సాయి కృష్ణ జనార్ధన హే

భవ భయ జలధీ కారణహే ॥సద్గురు॥

92) జయ జయ జయ సాయీ

జయ జయ జయ సాయీ -

జయ జయ జయహో సాయీ -

ఏమని బొగడుదు నీ కరుణను

నే నేమని బొగుడుదు నీ లీలలనూ ॥జయ॥

ఒక పరి బాధల కలిగింతువు

నింకొకపరి ఓదార్పుల నందింతువు

ఒకపరి మనసును ఖేదింతువు

నింకొక పరి నేకాగ్రత నందింతువు ॥జయ॥

ఒకపరి అరిషడ్వర్గము లందు ద్రోసి

ఆ క్షణమే నేర్పుగా మము బ్రోచెదవు

ఒకపరి చిక్కుల గల్పించుచూ

చిత్రముగా విడదీసేదవూ ॥జయ॥

సుక, శౌనక, ప్రహల్లాద ,నారద, 

వశిష్ట, కౌసిక , భరద్వాజలే 

నీ లీలలను తెలియజాలరు

అల్పగ్నుడను నాకేమీ తెలియను ॥జయ॥

93) జారవిడువకురా శ్యామ

ముల్తాన్ రాగం ఆదితాళం చతురస్రం 

జారవిడువకురా.... శ్యామ హృదయేశ్వరా.... సాయీ ॥జార॥

జారవిడచిన చేరదీయ గలాడు ఈ భువి లేడురా ॥జర॥

జారవిడవకురా... నన్ను జారవిడవకురా 

జారవిడచిన చేరదీయ గలాడు ఈ భువి లేడు లేడురా 

లేడు లేడురా... జార విడువకు రా.... రా !సాయి ॥జార॥

నిన్ను నమ్మి నీ కంకితమై నీ ఉపదేశంబుల నుండుట లేదని

సకల విశ్వమున నిన్ను జూచి ప్రేమగా సేవించుట లేదని

సత్య ధర్మ సన్మార్గములందున చరియింపక  - నిను దలచుంటినని ॥జార॥

పరదూషణముల పాపపు పనులను ప్రత్యక్షముగనే చేయు చుందునని

కులమత భేదము లెంచుచు అహమున అల్పునిగ 

చరియుంచుందునని

సౌఖ్యము లందున నిన్ను మరచి దుఃఖంబులలో నిన్ను దలచు చుంటినని  ॥జార॥

భక్తి శక్తి యుక్తాదులు లేకనే భక్తునిగా నటించు చుంటినని

అర్హత యోగ్యత లసలే లేక అధికారంబుల గోరుచుంటినని

ఆడంబరమున ప్రశంసనములతో ప్రతితుడనై - నశించుచుంటినని ॥జార॥

విశ్వ మెల్లడల నిండి యున్నట్టి నీలో నేనొక భాగమే కదా !

నేనను ,నా భావన , ప్రతి చర్య యు  నీ వాడించెడి నాటకమే కదా !

సుఖదుఃఖంబుల చింతన లేలనో నీకు నాకు భేదమేలనో ॥జార॥

ఏమి తెలియక అజ్ఞానముతో అవివేకముగా బలుకుచుంటిని

లౌకిక వాసనలందు తగులుకొని  మూర్ఖముతో నడయాడు చుంటిని

కోపము చెంది దూరము చేసి దుర్మార్గుడనని ఆవలకు ద్రోసి  ॥జార॥

94) ధర్మ స్వరూప ద్వారకామాయివాసా

ధర్మ స్వరూప ద్వారకామాయివాసా

దయరాదా నీ దరిశన మీయగ

దయ రాదా నాతో ప్రేమగ పలుకగ ॥ధర్మ॥

బ్రోచితివి గద ఎందరెందరినో

నీ దగు దివ్య దరిశన మొసగి

గాచితివి కదా భక్తులెందరినో

వీనుల విందుగ ప్రేమగ పలికి ॥ధర్మ॥

ఏ రీతిగ నిను ధ్యానము చేసిన

కనుల కగపడి కరుణించెదవూ

ఏ విధముగా నిను పిలచిన నాతో

ప్రేమగ పలికి మొరలాలింతువు ॥ధర్మ॥

నీ చరణములే శరణంబని మది

నమ్మిన దీనుడ శ్యామచరణుడను

కనికరముంచి కరుణను జూపి

దరిశన మొసగీ ప్రేమగ బలుకుము ॥ధర్మ॥

అభయ ప్రదాత ఆశ్రిత రక్షక

కరుణాసింధొ కామిత దాయక

ప్రేమ స్వరూపా భవభయ నాశక

సద్గురు దేవా శ్యామ సన్నుత ॥ధర్మ ॥

95) దైవ ప్రార్థన దారి చూపును 

దైవ ప్రార్థన దారి చూపును 

శాంతి ధైర్యముల నొసగును

తృప్తి ఆనందము లుంచును

దయను బెంచి దరికి జేర్చును ॥దైవ॥

ఒక్క దైవము నాశ్రయించుము

ఒక్క నామమునే జపించుము

రూప నామములు లెన్ని యున్నను

అన్ని ఒకటే యనుచు జేసెడి ॥దైవ॥

దురాలోచన తుడిచి వేయుము

దూషణములను వదలి వేయుము

సహన విశ్వాసముల గలిగి

భక్తి శ్రద్ధల తోడ జేసిడి ॥దైవ॥

ప్రేమ భావము పెంపు జేయుము 

పరమ శాంతికి జేరువగుము

శ్యామ సూక్తుల ఆలోచించుచూ

ఆచరించుచు సదా జేసిడి ॥దైవ॥

96) పరాపవాదము పరిహరింపవే 

పరాపవాదము పరిహరింపవే -

పరార్థదాయీ బాబా సాయి

నిరంతరంబును నీ నామంబును

స్మరింపనీయవే సద్గురు సాయి ॥పరాప॥

వృధాభిమాన స్వీయ ప్రశంసల

కధీను చేయకు మయ్యా సాయీ 

కృథా కామ దుర్లోభాదుల కడు

వ్యధల్ నివారింపగదే సాయీ ॥పరాప॥ 

సతంబు భూత విహితంబు గూర్చుచు

ప్రతి ప్రాణి నీవలె గన నీవే 

ప్రతి క్షణము నీవలె గన నీవే 

మదిన్ ప్రసాదింపగదే సాయీ ॥పరాప॥

ప్రశంసనములకు నృశంసనములకు

ప్రశాంత బుద్దిని బరపవె సాయీ

ప్రశస్తము నీ యశోలీలల్

అహర్నిశల్ స్మరియుంపనీయవే ॥పరాప॥

97) ప్రభో సాయి రామ రారా….

ప్రభో సాయి రామ రారా….  మమ్మదు కోరా…. 

షిరిడి నివాసా…… శ్రీనివాస…. ॥ప్రభు॥

తల్లివి నీవే, తండ్రివి నీవే ,గురు దైవములు నీవే…..

రాముడ నీవే, కృష్ణుడ నీవే ,దత్త మారుతి నీవే……

శివ నాగ సాయి నీవే ,శ్యామ సాయి నీవే…..

 జయహో సాయిశా…. జయహో సాయిశా…. ॥ప్రభో॥

నీవే దిక్కని నిరతము నమ్మి కొలిచే వారము దేవా-----

కరుణను జూపి కడ తేరెడి మార్గములను జూపగా రావా -----

రంగనాథ సాయి నీవే…. రామదాస నీవే….. 

జయహో సాయిశా… జయహో సాయిశా…. ॥ప్రభో॥

సుఖ దుఃఖములకు చెదరని మనసును

కరుణ నొసంగుము స్వామి…… 

సద్భక్తులమై నీ పద సన్నిధి జేరగ చేయుము స్వామి…… 

మమ్ము దయ గనవే సాయీ…. ద్వారకామాయి…

శ్యామ సన్నుతా…. సాయి మహేశా… ॥ప్రభో॥

98) శ్రీ సాయినాథా…..  శ్రీనివాసా…

శ్రీ సాయినాథా…..  శ్రీనివాసా….. చింత బాపగ రారా

నీ సేవ చేసే మా మనవి నీకు వినబడలేదా ॥ శ్రీ సాయి॥

ఆయువేమె తక్కువై….. ఆశలేమె ఎక్కువై…. 

అసలైన దారులు వదిలి అలమటించి పోతున్నాము

నీవు గాక దిక్కెవరయ్యా నిన్ను కొలుచు బాలల మయ్యా

మంచిని దెలిపీ మాయల దులిపి

మము దయ గనగా రావా…. వేగమే రావా… ॥శ్రీసాయి॥

నీ పదముల నమ్మినాము…. 

నీ భజనే చేసినాము…. 

మాకు నీవే దిక్కువని మనసారాగ వేడినాము 

మాదు మొరలు వినగా లేవా ----

మమ్ముల గాన జాలియే రాదా….. 

అఖిలలోక నాయక నీవే… అలిగిన ఇక గతి ఏమి మా స్థితి ఏమి….. ॥శ్రీ సాయి॥

99) సద్గురు నీవే…..  సర్వము

సద్గురు నీవే…..  సర్వము నీవే….. 

సరియగు బాటల నడిపే శక్తివి నీవే ॥సద్గురు॥

మంచి చెడు లేరుగని మనుషుల మయ్యా

పాప పుణ్య మెరుగని బాలల మయ్యా 

మంచి చెడుగు లేరుగ చేయ వేదితిమయ్యా 

ధర్మ మార్గ మందు నడుప నిన్ను కోరితి మయ్యా 

శ్రీహరి రూపా…. సాయి స్వరూపా…. ॥సద్గురు॥

కలి మాయల వలను జిక్కి కలతల లోనా

శక్తి ,భక్తి ,యుక్తి ,లేక కుములు చుంటిమి

వలను త్రెంచి వలపు జూపి ,వరల జేయగా 

పుణ్య చరిత మనసారగ వేడితి మయ్యా

శ్రీహరి రూపా….సాయి స్వరూపా…. ॥సద్గురు॥

100) సాయినాథా…..  చేరరారా……

సాయినాథా…..  చేరరారా…… 

నీదు బాలల మయ్యా……

మము చేరదీసే భారమంతా నీది కాదా బాబా ॥శ్రీ సాయి॥

గోదావరి తీరములో….  శ్రీ షిరిడీ క్షేత్రములో

నీ భక్తుల సేవలలో కొలువుదీరి ఉన్నావు 

నమ్మిన వారిని నడిపించి , నిను గొలిచెడి వారల కరుణించి

మహిమల జూపుచు మాయల జూపుచు

భక్తుల బ్రోచుచు నవ్వుచుంటివా…. ॥శ్రీ సాయి॥

నిన్ను చూడగ కొలచినాము , మది నిండుగ తలచినాము

తల్లైనా తండ్రైనా నీవనియే పిలిచినాము

మాపై కరుణె రాలేదా !మము బ్రోవగ మమతే రాలేదా !

నీ పద సన్నిధి మాకిల పెన్నిధి --- మా మనసే నీ కంకిత మయ్యా ॥ శ్రీ సాయి ॥