(221) 08 August (08.08.)

 శ్రీ శారదా శ్యామ సందేశం: 8 Aug

రూపమేదైనా, నామమేదైనా తుది శ్వాస వరకు స్మరిస్తూ చేతనైనంత వరకు మనస్ఫూర్తిగా ప్రార్థిస్తూ ఉండటమే మానవ జన్మకు సార్ధకతను కలిగిస్తుంది.

Whatever the form or name is, remembering it till the last breath and praying as much as possible makes human birth meaningful.

221) నీ మహిమల విని చరితమును చదివి (08.08)

నీ మహిమల విని చరితమును చదివి

ఆశతో నిను స్మయించితినా 

నీకై నీవు నను లాగు కొనగ 

నిను నమ్ముకొనగ నెంచితివా

నిను నమ్మిన ఈ తర్కము రాదు

అటు ఇటు నా మది పరుగిడదు

అది ఇది నెరుగని స్థితిలోన నుంచి 

నడుపు చుంటివా నాటకము  ll నీ మహిమల ll 

1.మొట్టమొదట నిను కోరిన కోర్కెల 

నెల్ల దీర్చి ఓదార్చెదవు

మరల మరల నా మొరలను 

వినక మొరాయించి ఆడించెదవు

నను వదలవు నిను మరువనీయవు 

నడుమ నన్నిరికించెదవు

నీ శిక్షణ ఏమిటో చిత్రమైనది 

వాక్కుకు మనసుకు అందనిది

ll నీ మహిమల ll

2. ఒక పరి నీవున్నావనే ధైర్యము 

ఒక పరి నెఱుగనిదేదో అధైర్యము

భౌతిక పరమార్థములకు 

అర్థము తెలియక ఏదో సతమతము

నీ భక్తులమని తిరిగే వారల 

తీరుల జూడగ కలకలము

నీ శిక్షణ ఏమిటో చిత్రము 

పరిరక్షణ తీరు విచిత్రము 

ll నీ మహిమల ll  

3.సమ భావముతో అన్ని జీవులను 

ప్రేమగ పరిపాలించితివి

తామరాకుపై నీటి బొట్టు వలె 

ఎటులుండ వలెనో చూపితివి

నిన్ను జూచి మాట్లాడు యోగ్యత 

నాకింతవరకు రాలేదే

నీ భక్తుల మను వారల జూడగా 

నిజమేదో తెలియట లేదే ll నీ మహిమల ll 

 

4.నీ వలె నుండెడి ధైర్యము లేదు 

నీ మాటలినెడి అర్హత లేదు

నీ సూక్తుల కనుగుణముగ నడవగ 

ఆశీస్సులిడుము గురుదేవా

నిజమగు నీ భక్తునిగా నిలబడు 

యోగ్యత నొసగుము గురుదేవా

నీ శిక్షణలో పరిరక్షణలో 

నను నడిపించుము సాయి దేవా  

llనీ మహిమల ll