(222) 09 August (09.08.)

 శ్రీ శారదా శ్యామ సందేశం: 9 Aug

స్వచ్ఛమైన అపరంజి లాంటి సంస్కారానికి లొంగుతాడు శ్రీగురుడు. భూత దయ, ప్రేమ, కరుణ కలిగిన మానవుని మహాత్మునిగా తీర్చిదిద్దగలడు.

Sriguru surrenders to pure refined behaviour. a human being with kindness, love and compassion can transform into a Mahatma. 

222) సాయి మార్గము -  బహు చక్కని మార్గము (09.08.)

మోహనరాగం

సాయి మార్గము -  బహు చక్కని మార్గము 

సర్వజనులకు అది సులభ మార్గమూ 

ll సాయి మార్గం ll

1..సాధన చతుష్టయములను చేయగా పని లేదు

శాస్త్ర షట్కములను చదువగా పని లేదు

సద్గురువును విశ్వసించి ఓర్పు తోడ చరియించిన

సంతస మందుట కదియే సులభ మార్గమూ 

llసాయి మార్గంll

2. పోటీలను,వంతులను, కీచులాటలను

అహముతోడ ఇతరుల లోపములను చూపుటను

ఇతరుల కన్నను తానే అధికుడనను భావనను

విడనాడిన భగవానుడు కృప జూపునను మార్గము

llసాయి మార్గంll

3.కుల మతములు జాతులు,ధనిక పేద భావములు

మతాంతీకరణములు, సాంప్రదాయ మార్పిడులు

జీవజంతు జాలముల హీనముగా జూచుటను

వదలినచో భగవంతుడు కృప జూపునను మార్గము

 llసాయి మార్గం ll

4.చేసిన కర్మకు ఫలితము అనుభవించవలెననుచును 

సత్యముండు చోటు సదా దైవము తోడు నుండుననుచు 

సకల జీవులలోన భగవంతుడే కలడనుచును

భగవంతుడే యజమాని మనకని తెలిపిన మార్గము

llసాయి మార్గం ll

5.భగవంతుడే సద్గురువుగ భువిలో అవతరించుననుచు

దుర్గుణముల పారద్రోలి సద్గుణముల నిలుపుననుచు 

సద్గురు దేవుని కృపయే శ్రేయము కలిగించుననుచు 

శ్రీ గురుడు ప్రేమలోన శ్యామను ముంచిన మార్గము

llసాయి మార్గం ll

(02.06.1986 సోమ, రా.11:43 గం.)