(228) 15 August (15.08.)

 శ్రీ శారదా శ్యామ సందేశం: 15 Aug

మీ పిల్లలు ఎలా ఉండాలని కోరుకుంటారో మీరు అలా ఉండాలి. ప్రేమ, విద్య పెంచే కొద్దీ పెరుగుతాయి.

You should be what your children want you to be. Love and education will increase as you increase.

228) కేశవ - కేశవ - కేశవ (15.08.)

1.కేశవ - కేశవ - కేశవ

శవము వలె నన్ను భువిలో బ్రతుక జేయనీయకురా ॥ 

2. నారాయణ - నారాయణ - నారాయణ

నానా రూపములలోన నీవే కనిపించుము రా - ॥

3. మాధవ - మాధవ - మాధవ

మానవుడే మాధవుడను అనుభవమును ఒసగుమురా ౼॥

4. గోవిందా - గోవిందా - గోవిందా

గోపికలను బ్రోచినటుల మమ్ము కరుణింపుము రా ౼॥

 

5. విష్ణుదేవ - విష్ణుదేవ - విష్ణుదేవ 

వినయముగా నీ పద దాసుల సేవల నొసగుమురా -॥

6. మధుసూదన - మధుసూదన - మధుసూదన

మదనదేవు వశము నుండి మమ్ముల రక్షింపుము రా ౼॥

7. త్రివిక్రమ - త్రివిక్రమ - త్రివిక్రమ

త్రిగుణములు రహితములగు మార్గములో నడుపుమురా ౼॥

8. వామన - వామన - వామన

వాదములను, వైరములను నశింపజేయుమురా - ॥

9. శ్రీధర - శ్రీధర - శ్రీధర

శ్రీకరమౌ నీ రూపము సతతము మదిలో నిలుపుమురా - ॥

 

10. హృషీకేశ - హృషీకేశ హృషీకేశ

హృదయమందు సద్భక్తిని సుస్థిరముగా నిలుపుమురా ౼॥

11. పద్మనాభ - పద్మనాభ - పద్మనాభ

ప్రతి అణువున నీ నామము స్పందింప చేయుమురా ౼॥

12. దామోదర - దామోదర - దామోదర

దమము, శమము శాంతి క్షమల నొసగి మమ్ము నడుపుమురా ౼॥

13. సంకర్షణ - సంకర్షణ - సంకర్షణ

సంఘర్షణ తొలగజేసి సద్బుద్ధుల నోసగుమురా ౼॥

 

14. వాసుదేవ - వాసుదేవ - వాసుదేవ

వసియించగ మా పలుకుల వరము నీయరా ౼॥

 

15. ప్రద్యుమ్న - ప్రద్యుమ్న - ప్రద్యుమ్న 

ప్రతియోచన యందు నీవు నిలచి ఉండరా౼॥

16. అనిరుద్ధా - అనిరుద్ధా - అనిరుద్ధా

అంతఃకరణమును ఎప్పుడూ శుభ్రముగా నుంచుమురా ౼॥

17. పురుషోత్తమ -  పురుషోత్తమ - పురుషోత్తమ

 పురుషార్ధముల యందు ధర్మముగ నడుపుమురా ౼॥ 

18. అధోక్షజ - అధోక్షజ - అధోక్షజ

అందరి శ్రేయముల కొరకు జీవింప జేయుమురా ౼॥

19. నారసింహ - నారసింహ - నారసింహ

 నర జన్మము సార్ధకతను నొందు నటుల జేయుమురా ౼॥

20. అచ్యుత -  అచ్యుత - అచ్యుత

నీ పాద సన్నిధి నుండి చ్యుత గానీయకురా  -॥

21. జనార్ధన - జనార్ధన - జనార్ధన 

జగమే నీ రూపమనెడి అనుభవమును యొసగుమురా ౼॥

22. ఉపేంద్ర - ఉపేంద్ర - ఉపేంద్ర

ఉపదేశములు లేని సాయిబాట నొసగుమురా ౼॥

23. హర హరా - హర హరా - హర హరా

హరియే గురుడను సత్యము అనుభవమున నొసగమురా ౼॥

24.శ్రీ కృష్ణ - శ్రీ కృష్ణ - శ్రీకృష్ణ 

కృష్ణ రామ ౼ దత్త సాయి కృపను పొంద జేయుమురా ౼॥