2 April (02.04.) (93)

 శ్రీ శారదా శ్యామ సందేశం:

కర్మలు చేయుటయే కృష్ణార్పణ పద్ధతి. ఒకేసారి ఇట్లు చేయుట సాధ్యం కాదు కాన సాధకుడు అభ్యాసం ద్వారా దానిని సాధింపవలెను. ఇట్లు చేయుటలో మనసు ఎదురు తిరిగినచో దానిని గురు నామ స్మరణతో వశము చేసుకోవలెను.

Doing karma is the method of offering Krishna. It is not possible to do this at once, but the achiever has to do it through practice. Whenever the mind goes against in doing this, it has to be conquered by chanting Guru's name. (2 Apr)

93) జారవిడువకురా శ్యామ

ముల్తాన్ రాగం ఆదితాళం చతురస్రం 

జారవిడువకురా.... శ్యామ హృదయేశ్వరా.... సాయీ ॥జార॥

జారవిడచిన చేరదీయ గలాడు ఈ భువి లేడురా ॥జర॥

జారవిడవకురా... నన్ను జారవిడవకురా 

జారవిడచిన చేరదీయ గలాడు ఈ భువి లేడు లేడురా 

లేడు లేడురా... జార విడువకు రా.... రా !సాయి ॥జార॥

నిన్ను నమ్మి నీ కంకితమై నీ ఉపదేశంబుల నుండుట లేదని

సకల విశ్వమున నిన్ను జూచి ప్రేమగా సేవించుట లేదని

సత్య ధర్మ సన్మార్గములందున చరియింపక  - నిను దలచుంటినని ॥జార॥

పరదూషణముల పాపపు పనులను ప్రత్యక్షముగనే చేయు చుందునని

కులమత భేదము లెంచుచు అహమున అల్పునిగ 

చరియుంచుందునని

సౌఖ్యము లందున నిన్ను మరచి దుఃఖంబులలో నిన్ను దలచు చుంటినని  ॥జార॥

భక్తి శక్తి యుక్తాదులు లేకనే భక్తునిగా నటించు చుంటినని

అర్హత యోగ్యత లసలే లేక అధికారంబుల గోరుచుంటినని

ఆడంబరమున ప్రశంసనములతో ప్రతితుడనై - నశించుచుంటినని ॥జార॥

విశ్వ మెల్లడల నిండి యున్నట్టి నీలో నేనొక భాగమే కదా !

నేనను ,నా భావన , ప్రతి చర్య యు  నీ వాడించెడి నాటకమే కదా !

సుఖదుఃఖంబుల చింతన లేలనో నీకు నాకు భేదమేలనో ॥జార॥

ఏమి తెలియక అజ్ఞానముతో అవివేకముగా బలుకుచుంటిని

లౌకిక వాసనలందు తగులుకొని  మూర్ఖముతో నడయాడు చుంటిని

కోపము చెంది దూరము చేసి దుర్మార్గుడనని ఆవలకు ద్రోసి  ॥జార॥