(268) 24 September (24.09.)

శ్రీ శారదా శ్యామ సందేశం: 24 Sep

ఇది అది యనక అన్నీ దానికే నివేదించు, అన్నింటికీ దానినే ప్రార్థించు, ఆరాధించు, చివరకు అదే నీవు అవుతావు - ఇదే గమ్యము.

Without saying this or that, submit all to it. Pray, adore. At last you will be the same and that is your destination.

 268) ఏమి మాయయో - అదేమి మాయయో (24.09.)

ఏమి మాయయో - అదేమి మాయయో

మాయ మాయ అందురు - అదేమి మాయయో 

తెలిసినటుల దోచుగాని చివరేమో తెలియదు

॥ ఏమి మాయయో॥

(1) నేను నేను అనుచు నుందు నేనేమో తెలియదు 

నాది నాది అనుచు నుందు నాదు వెంట ఏదీ రాదు 

ఏమి మాయయో అదేమి మాయయో 

॥ ఏమి మాయయో॥

(2) జరిగినది నా సుఖమునకు అని తెలిసీ తెలియక 

తలచినదే జరిగినంత ఎంతెంతో పొంగిపోదు

అటులనే కృంగిపోదు తలచినదే జరుగనంత

నాకేది మంచిదో చెడుపో తెలిసీ తెలియకనే 

॥ ఏమి మాయయో॥

 

(3) ఆత్మీయులు చనిపోయిన దుఃఖముతో కృంగిపోదు 

నేనూ ఒక నాటికి పోవుదునని తెలిసియు 

నా యోచనలన్నీ నిరుపయోగములని తెలిసియు 

రకరకముల యోచనలతో పలురీతుల పలుకు చుందు 

॥ ఏమి మాయయో॥

(4) నాదను భావమే దీనికి మూలంబని తెలిసియు 

దాని ప్రభావములో నుండి బయట పడక నే నుంటి 

బయట పడుట అసాధ్యమని అనుభవమున తెలుసుకొంటి 

కృపను జూపి నడిపించి కరుణించుమా శ్రీ గురు

॥ ఏమి మాయయో॥

(05.11.1988, సా.05.45 గం.)