16 February (16.02.) (47)

 శ్రీ శారదా శ్యామ సందేశం:

సాయంకాలము - దేవుని పూజ, తులసి పూజ, ప్రదక్షిణం
Evening- God worship, Tulasi Worship, Divine Circling (16 Feb)

 

 

 47) ఏమి చేయగా నెంచితివో

ఏమి చేయగా నెంచితివో
నన్ను ఏమి చేయగా నూహించితివో
ఎరుగలేనయ్యా సాయి దేవా
పరమ పురుష ప్రేమ స్వభావా ॥ఏమి॥

బహు దుర్లభమగు మానవ జన్మను
నా కొసంగీతివి వాత్సల్యముతో
సార్ధకత లేని వ్యామోహంలలో
ఎందుకు తోసితివయ్యా దేవా ॥ఏమి॥

చిక్కుల నెన్నో కల్పించెదవు
ధైర్యమెసంగక దండించెదవు
ఏమి చేసితినో నీ కపకారము
కృప చూపక నన్నేడిపించుటకు ॥ఏమి॥

అధిక సంపదల నాశించలేదు
అధికారంముల కోరగలేదు
నిష్ట సబూరుల నా కొసగుమని
నిను ప్రార్థించుట నేరమాయెనా ॥ఏమి॥