8 February (08.02.) (39)

శ్రీ శారదా శ్యామ సందేశం:

ప్రదక్షిణ - గుడి ప్రదక్షిణము లేదా బృందావన ప్రదక్షిణము చేయవలెను. శక్తి వంచన లేకుండా పూర్తి చేయలేనివారు మనోభావనతో ప్రదక్షిణం చేయవలెను.

Divine Circling (Pradakshina) - Do the circling around the temple or around the Brindavana. Those who cannot do with physical potential, can done with psychological perception. (8 Feb)

39) ఎందుకొచ్చితివి జీవా

ఎందుకొచ్చితివి జీవా
నీవెందుకొచ్చితివి జీవా
ఎందుకొచ్చితివి ఎచటకొచ్చితివి
ఏమి చేయగా ఇచట కొచ్చితివి (2) ॥ఎందుకొచ్చితివి ॥

ఎగిరి పడుటకు వచ్చితివా
మిడిసిపడుట కేతించితివా(2)

ఎగిరిన ఎగిరిన ఎంతగా ఎగిరిన
ఏమున్నదిలే కాళ్లు విరుగును (2) ॥ఎందు కొచ్చితివి॥

మిడిసిపడినను మిడిసి పడినను
ముందరికాళ్ళకు బంధము
చూడవేముందుకు పోయేది
మార్గము నెరుగవే ॥ఎందు కొచ్చితివి జీవా॥
ఏమి తెలిసేనే జీవా నీకేమీ తెలిసేనే జీవా
తెలిసి తెలియక తెలిసి తెలియక
ఏమేమో ఏమేమో వాగుచుంటివి
వాగుచు నుండుట వాగ్బంధం బని
తెలిసి తెలియక బోర్లపడదెవే ॥ఎందుకొచ్చితివి జీవా॥
 

నీదేమున్నది చూడక తెలియక(2)

నాది నాదని నాదీ నాదని
నగుబాట్లను పొందుచుందువు ॥ఎందుకు కొచ్చితివి॥
త్రికరణ శుద్ధిగా కోరినదేదీ (2)

మరణము దనుక వదలనందురే
మరణమే నీకు శరణం మటంచును
మరల పుట్టుచూ మరల గిట్టుచు (2) ॥ఎందుకొచ్చితివి జీవ॥

అందరి మధ్యన బ్రతుకుచున్నను
ఎందెరెందరితో కలుసుచున్నను
అందరిలోనూ ఎందరు వత్తురో
ఎవరికెవ్వరో ఎవరెవ్వారో
తెలిసి బ్రతుకవా జీవా
సత్యము నెరిగి బ్రతుకవా జీవా (2) ॥ఎందుకొచ్చితివి॥

గతంలోన నీవేమి గా నుంటివో
ఏమి కోరుకొని ఇటు చేరితివో
ఏమీ కోరకున ముందెటులవునో (2)
ఏ గతిగా నీవు బ్రతుకుచు నుందువో ॥ఎందుకు వచ్చితివి జీవ॥

వచ్చిన సమయము వ్యర్థము చేయక
వ్యధలను తీర్చెడి సద్గురుని చేరి
అజ్ఞానమునే ధ్వంసం చేసెడి
ప్రేమ మయుండగు సాయిని చేరి ॥ఎందుకు వచ్చితివే జీవ॥

బరువు బాధ్యతల తలచి కృంగుచూ
చేయవలసినది చేయగలేక
నిరుపయోగమగు ఊహలలోన తిరిగి తిరిగినా
తిక్కబట్టునే సత్యము నెరుగవే జీవ ॥ఎందుకొచ్చితివి జీవా॥