15 January (15.01.) (15)

శ్రీ శారద శ్యామ సందేశం:

ఒకే స్థలములో, ఒకే సమయములో ప్రతిరోజు ధ్యానము చేసుకునేందుకు ప్రయత్నించాలి.

In the one place, at the same time, try to meditate every day. (15 Jan)

15) నీకు న్యాయమా

నీకు న్యాయమా నీరజనయనా

ఇక్కట్టుల కలిగించ బాధించ ॥నీకు॥

సర్వము నీ సంకల్పమె యందువు

యీ బాధలు నా పాపమందువు

నేనెవరో? పాప మేల జేసితినో?

తెలియగ నీయవు శోధించెదవు ॥నీకు॥

సమస్యలెన్నియో సృష్టించెదవూ

పరిష్కరింపక వేధించెదవు

తనువు మనసులను హింసించెదవు

ఎందుకో నా బ్రతుకుతో చెలగాటము ॥నీకు॥

సర్వభారముల మోనెదనందువు.

భక్తి గ పిలిచిన పలికెద నందువు

ఎపుడు మోసెదవు ఎప్పుడు పలికెదవు

బాధ్యతల దించి శాంతి నొసగెదవు ॥నీకు॥

అసమర్థుడనని ఆడించెదవా

అవివేకి ననుచు పరిహసింతువా

అజ్ఞాని ననుచు నిరాదరింతువా

అహంకారినని అణచి వేతువా ॥నీకు॥

నను సృజియించిన దీవయేగదా

ఈ బ్రతుకంతా నీదయయేగదా

కరుణ జూపి కడదేర్చగ రావే

శ్యామ హృదయ వాసా సాయీ ॥నీకు॥