3 January (03.01.) (03)

 

 శ్రీ శారద శ్యామ సందేశం: 3 Jan

మానవాళి, సంసారసాగరమును గురూపదేశమనే బలమైన నావలో కూర్చొని, అభ్యాస బలము, పురాకృత సంస్కారములు అనే గాలిచే త్రోయబడి గురువనే సారంగుచే నడుపబడి, దాటించబడతారు.
Humankind seated in a strong ship of Guru's Doctrine that guides us in the ocean of kinship. By the Driven essence of the Guru, with the wind of learning strength, mythical rituals, we will be crossed.

3) గురువరా నను

గురువరా నను కావరా
గురువరా నను బ్రోవర
శ్రీ గురు నీవే శరణము
సద్గురు నీవే దిక్కు ||గురు||

నీ నామము పలుక నీయుమా
నీ రూపము నా మదిలో నిలుపుము
నీ మార్గమునందు నడుపుము
నీ దరికే నన్ను జేర్చుము ||గురు||

ఎవరియందున ద్వేషముంచక
దేనియందును కోరిక యుండక
నీదు సూక్తుల కనుగుణముగా
నన్ను నడుపుము గురువరా ||గురు||

దోషములను జేయనీయకు
దురాలోచన రానీయకు
దుర్మార్గములోన ఉంచకు
నీ మార్గము నందు ఉంచుము ||గురు||

అణువు అణువున నీవు గలవను
అనుభవములను కృపతో నొసగుము
నేను నాదను భావములను
సమూలముగా పెరికి వేయుము ||గురు||

సత్యమును నను పలుక నీయుము
ధర్మ మార్గమునందు నడుపుము
పరమ ప్రేమతో నన్ను మలచుము
నీదు సేవలో నన్ను నిలుపుము ||గురు||

మాయలో పడి ఉన్నవాడను (దానను)
మాతవై నను పాలింపుము
నీ చెంతకు చేర్చుకొనుము
నీ లోనే నిలుపుకొనుము ||గురు||

దాసనాయకి దాససేవిత
దాసవందిత త్రినయనీ
దాససన్నుత సద్గుణాలయ
నీదు చరణములే శరణము ||గురు||