20 January (20.01.) (20)

 శ్రీ శారద శ్యామ సందేశం:

సారము లేని, మిక్కిలి ఆలోచనలు మానవశక్తిని నశింపచేస్తాయి. నిరంతర కృషి మిక్కిలి ఆలోచనలను తగ్గించగా, నిష్కల్మషమైన భక్తి, ఆలోచనల సారమును పెంపొందించును.

Essenceless, extreme thoughts destroy human power. Continuous effort minimizes the extreme thoughts, while cultivating pure devotion will increases the essentials in thoughts. (20 Jan)

20) నీ ముందు నేనెంత

నీ ముందు నేనెంత యనెడి భావన తోడ

ప్రారంభమయినది మన బంధము

నిను వదలి జీవించలేననెడి భావనతో

సాగుచున్నది సాయి అనుబంధము

మధురాతి మధురమౌ ఈ బంధము

మహిత మనోహరపు అనుబంధము

సంతసమ్మొనగూర్చు సంబంధము

విడదీయ లేనిదీ ఋణబంధము ॥నీ ముందు॥

చిత్రాతి చిత్రమౌ సంకెలల లంకెలతో

బ్రతికించుచున్నది బుణబంధము

ఏవేవో కర్మలను ఎట్టెటులో జేయించి

జన్మలొసగుచున్నదీ బంధము

సర్వము కలిగించి సంత సంబుల ముంచి

సాయినే అందించు నీ బంధము

కర్మలెన్నియో తెంచి కర్తవ్యమును త్రుంచి

కడతేర్చు నీ సంబంధమూ ॥నీ ముందు॥

ప్రతి క్షణము ప్రతిప్రాణి పయనించుచుండుటకు

మూలాధారమ్ము ఈ సంబంధము

స్థావర జంగమము లన్నిటికి

హేతువై లోతుగా నున్నదీ అనుబంధము

సకల చరాచర విశ్వమే

తానై సాయిగా శ్యామ చరణాదులను

సాయిలో లీనమ్ము చేసి

హాయిని గూర్చు సంబంధము ॥నీ ముందు॥