17 January (17.01.) (17)

 శ్రీ శారద శ్యామ సందేశం:

బొట్టు పెట్టుకునే స్థానంలో కానీ, హృదయ స్థానంలో కానీ గురు పాద పద్మాలను చూస్తూ బొడ్డు దగ్గర నుండి (మనసులో) నామము చెప్తూ, వింటూ ఆ నామాన్ని పాదాల మీద పెడుతున్నట్లుగా ఊహించుకుంటూ మొదటిలో సాధకులు ధ్యానాన్ని సాధన చేయాలి.

First of all the practitioners, from the blob point or from the heart place looking at the lotus feet of Guru. From the belly (the heart) Chant the name, listen the name. Imagine our chanted name kept on the lotus feet should practice meditation. (17 Jan)

17) నీ దయయే

నీ దయయే నా బ్రతుకయ్యా

నీ కరుణయే నా జీవితమయ్యా

నీ ప్రేమయే నా సంతసమయ్యా

నా పాపమే సంతాపము లయ్యా ॥నీ॥

పావనమగు నీ దివ్య నామమును

వినగలుగుట నీదయయే గదా

పవిత్రమౌ నీ‌ దివ్య చరితమును

పఠియించుట నీ కృపయే గదా

నీదు లీలలను నిరతము గానము

జేయుటయు నీ కరుణగదా

మంగళకరమౌ నీదు రూపమును

జూచుట నీప్రేమయే గదా ॥నీ॥

నీ నామమే నామనసును స్థిరముగ

నీ దరి నిలిపెడి మంత్రమయా

నీ చరితమే నా భక్తిని దృఢముగ

నీపై నిల్పడి మంత్రమయా

నీ లీలలే నా దుష్కర్మలను దనుమార

గలుగు శస్త్రమయా

నీ రూపమే నా కాత్మ జ్ఞానము నొసగి

రక్షించు నేత్రమయా ॥నీ॥

నీదయ కలుగని, క్షణమొక యుగమై

బ్రదుకు దుర్భరమగునయ్యా

నీ కరుణలేని నా జీవితమొక

నరకయాతనగ మారునయ్యా

నీ ప్రేమలేని క్షణమున శ్యామచరణుడు

భువి మరి నిలువడయా

శ్రీచరణా భవ భయ హరణా

సంకట హరణా సాయిరమణా ॥నీ॥

నిరామయా నిరంజనా నిర్గుణా సనాతనా

నిగమాగమ వేద వేద్య శ్రీ చరణా మోహనా