12 May (12.05.) (133)

 శ్రీ శారాద శ్యామ సందేశం: 12 May

ఇదే ప్రకృతి, ఇదే వాతావరణం, ఇవే పరిస్థితులు - వీటి నుండి బయటపడిన వారు మహాత్ములు. ఈ ప్రపంచం నుండే వారు అన్నీ సాధించారు. వారిది ప్రత్యేక ప్రపంచం కాదు. వారు మనకు ఆదర్శం కావాలి.

This same nature, this same climate, this same conditions - those who have survived from these are the Mahatmas. They have achieved everything from this world. There is no separate world for them. They ought to be our ideals. 

133) పాపికి నిష్కృతి ఎన్నడు ? (12.05)

పాపికి నిష్కృతి ఎన్నడు ? నీ పద సన్నిధిని చేరు టెన్నడు? పతితునిగా ఈ పవిత్ర భువి లో మసలుచు నుండెడి మందభాగ్యుడగు- ఈ- //పాపి// 1. తలచున దొకటి చెప్పేడి దొకటి చేసేడి దొకటిగ బ్రతుకుచు నుండెడి అహము మోహముల ఈర్ష్యాసూయల తోడ దుర్భాష లాడుతూ నుండెడి //పాపి// 2. కామముతోడ కన్నులు గానక కనరాని పనులు చేయు చుండెడి మహితాత్ములగు దైవ భక్తులను హీనముగా పరికించు చుండెడి //పాపి // 3. అధర్మ మన్యాయములతో నడుచుచు ఆస్తి కొరకు ఆరాటము చెందెడి స్వార్ధము కొరకై నయ వంచనముతో నరులను బహుగ పొగడుచుండెడి //పాపికి // 4. పుణ్యము సంపాదించుట కొరకై భక్తి శూన్యమగు పూజలు చేసి పలువుర లోన భక్తుడు వీడని నటియుంచు చుండెడి //పాపికి // 5. పూజల చేయగ సేవల చేయగ నీ దయ కొరకై చూచుచు నుండెడి దానధర్మముల చేయక సతతము సద్గతి నందక అభిలషించెడి //పాపికి// 6. ప్రేమభావమున ప్రాణుల జూడక శ్రీ గురుదేవుని ఆశ్రయించక శ్రీ గురుదేవుల ఆదేశములను అణుమాత్రమైన ఆచరించక సత్ఫలితములనే సదా కోరుచు స్వార్థ చింతనతో నడుచుచుండెడి శ్రీ గురుదేవుని కృపను కోరెడి హీన మనస్కుడగు శ్యామచరణుడు //పాపికి //